بێ هەڵوێستی هاوڵاتیان بەرامبەر زوڵم و ستەمە یەک لە دوای یەکەکانی دەسەڵات

محمد کەریم

خەڵکی کوردستان لە پای ئەم هەموو زوڵم و ستەمە و نەدانی مووچە تا وەکو ئێستا هەر بێ دەنگن و هەوڵ نادەن داوای مافە ڕەواکانی خۆیان بکەن.

لە کاتێکدا، ئەو کەسانەی کە مافی خەڵک و قووتی خەڵکیان بڕیوە و دزیوە بۆ بەرژەوەندی خۆیان نایان هەویت لەگەڵ حکومەتی ناوەند (عێراق) ڕێک بکەون بۆ ئەوەی مووچە دابین بکرێت و بژێوی خەڵک بەرەو باشی بڕوات.

ئەم هۆکارانە وا دەکات خەڵک زیاتر ژێر دەستەی ئەم دەسەڵاتە بێت بۆ ئەوەی ئەم دەسەلاتە بتوانیێت بە کاریان بهێنێت بۆ زیاتر چەو ساندنەوەی خەڵک.

ئەمەش بوەتە هۆکاری دابەشبوونی هاوڵاتیان بۆ ٢ گرووپ، گروپێکیان ئەو کەسانەن کە لە لایەن دەسەڵاتدارانەوە ئاڕاستە دەکرێن یان دەتوانی بڵێین بەکار دەهێنرێن بۆ چەوساندنەوی گروپی دووەم، کە گروپی دووەمیش کەسی هەژارو بێ دەسەڵاتن کە هیچ توانایەکیان نەماوە بۆ بەرگری کردن لە خۆیان چونکە هیچ چەکێک یاخود هێزێکیان نیە بۆ داکۆکیکردن و داواکردنی مافەکانیان.

ئەوەی جێگەی نیگەرانیە ! هەر کاتێک بیانەوێت داوای مافە ڕەواکانیان بکەن لەلایەن هێزی چەکدارو دەمامکدارەکانی سەر بە دەسەڵاتەوە تووشی ئەشکەنجەو سوکایەتی پێکردن دەبنەوە تەنانەت هەندێک جار ئەم سوکایەتیە دەبێتە هۆکاری تێوەگلانی خێزانەکانیشیان،
ئەمەش وا دەکات خەڵک بۆ پاراستنی گیان و ناموسی خێزانەکانیان بێ دەنگی تاکە هەڵبژاردەیان بێت لە بەرامبەر داواکردنی مافێک کە دڵنیایە ناتوانێت بە دەستی بهێنێت.

ئەمەش وا دەکات ژیانێکی هەژارانە بە ئومێدێکی کەمەوە بۆ داواکردنی مافە سەرەتاییەکانیان وە باشتر کردنی ژیان و گوزەرانیان یاخوود وە وەکو تاکێکی بێ دەنگ کراو لەلایەن دەسەڵاتەوە بژین.

لە کۆتاییدا، بە بڕوای من دەسەلاتداران هۆکاری سەرچاوەی هەموو ئەو کێشانەن کە بووەتە هۆکاری بەرەو پێشنەچوون و خراپ بوونی ژیان و گوزەرانی هاوڵاتیانی هەرێمی کوردستان